Bu gün Sumqayıtda 150-200 nəfərdən ibarət Wolt kuryerləri etiraz aksiyası keçirib. Onlar 9-cu mikrorayon ərazisində yerləşən Bravo marketin qarşısına toplaşaraq, şirkətin qiymət siyasətinə etiraz ediblər.

Aksiya iştirakçıları Sumqayit.tv-yə bildiriblər ki, çatdırılma xidmətinə görə təyin olunan tariflər olduqca aşağıdır və bu, onların qazancına ciddi təsir göstərir. Kuryerlərin sözlərinə görə, hər sifariş üçün ödənilən məbləğ 20-30 qəpik daha azdır və bu fərq onların gündəlik gəlirini əhəmiyyətli dərəcədə aşağı salır.

“Günbəgün qiymətlər artır, lakin bizim xidmət haqqımız yerində sayır. Tələbimiz odur ki, ən azı Bakıdakı Wolt kuryerləri ilə eyni səviyyədə ödəniş edilsin”, – etirazçılar bildiriblər.