Sumqayıt şəhərinin "Yaşma bağları" ərazisində baş vermiş bədbəxt hadisə nəticəsində 55 yaşlı sürücü həyatını itirib.

Sumqayit.tv xəbər verir ki, hadisə Bakı-Quba yolunun "Yaşma bağları" ərazisində qeydə alınıb.

1970-ci il təvəllüdlü İldırım Sultanov idarə etdiyi yük maşınını yol kənarında saxlayıb. Maşının banını qaldırmağa çalışarkən, ban yüksək gərginlikli elektrik xəttinə toxunub. Nəticədə, sürücü cərəyan vurması səbəbindən hadisə yerində dünyasını dəyişib.

Faktla bağlı araşdırma aparılır.