Sumqayıt şəhəri, 14-cü məhəllə sakinləri, yaxınlıqdakı yeni tikilinin onların həyətlərinə mənfi təsir etdiyini bildirirlər. Tikilinin uşaq oyun sahələrini zəbt etməsi, günəş işığını kəsilməsi və birinci mərtəbədə yaşayan sakinlərə çətinlik yaratması narahatlıq yaradır. Eyni zamanda, ərazidə bir çox ağacın kəsildiyi iddia olunur.

Sumqayıt MMC tikinti şirkətinin direktor müavini İsgəndər Abdullayev, Xezerxeber.az-a verdiyi açıqlamada, hazırda yalnız ilkin hazırlıq işlərinin aparıldığını və tikinti işlərinin hələ başlamadığını vurğulayıb. Ərazidəki bütün işlərin qanunvericiliyə uyğun olacağı qeyd edilib.
Sumqayıt Şəhər İcra Hakimiyyətindən isə bildirilib ki, tikinti işlərinin aparılmadığı artıq müəyyən edilib və digər iddialarla bağlı araşdırmalar davam edir.