Sumqayıtda itlər insanlara hücum edib.
Sumqayit.tv xəbər verir ki, hadisə 12-ci mikrorayon ərazisində yerləşən məktəbin yaxınlığında baş verib. İnsident nəticəsində uşaqlar xəsarətlər alıb.

TƏBİB-dən redaksiyamızın əməkdaşının sorğusuna cavab olaraq bildirilib ki, 8 aprel saat 18:00 radələrində 6 nəfər (3 qadın cinsli, 3 kişi cinsli) it dişləməsi diaqnozu ilə Sumqayıt Tibb Mərkəzinin nəzdindəki tibb müəssisələrinə hospitalizasiya olunub.

“Təcili Tibbi Yardım Xəstəxanasına yerləşdirilən 1 nəfərə zəruri tibbi yardım göstərilib, müvafiq peyvənd vurulan, vəziyyəti qənaətbəxş olan şəxs ambulator müalicə üçün evə buraxılıb.
Uşaq Xəstəxanasına yerləşdirilən 5 nəfərin hər birinə zəruri tibbi yardımlar göstərilib. Müvafiq peyvənd vurulan, vəziyyəti qənaətbəxş olan 4 nəfər ambulator müalicə üçün evə buraxılıb. Başın dişlənmiş-didilmiş yarası diaqnozu təyin edilən 1 nəfərin müalicəsi isə Uşaq Xəstəxanasının Cərrahiyyə şöbəsində davam etdirilir, hazırda vəziyyəti orta ağırdır”. // Sumqayıt.24