19 aprel 2025-ci il axşam saatlarında Sumqayıt şəhərində yerləşən ticarət mərkəzlərindən birində yanğın baş verib.
Sumqayit.tv xəbər verir ki, Fövqəladə Hallar Nazirliyinin Dövlət Yanğından Mühafizə Xidməti hadisə yerinə cəlb olunub.

Görülən operativ və təxirəsalınmaz tədbirlər nəticəsində alovun yayılmasının qarşısı alınıb və yanğın qısa müddətdə məhdudlaşdırılıb. Ətrafdakı obyektlərə və digər ticarət mərkəzlərinə ziyan dəyməyib.

FHN-in son məlumatına görə, yanğın tam söndürülüb. Hadisə nəticəsində ciddi fəsadlar qeydə alınmayıb. Yanğının səbəbləri araşdırılır.