Sumqayıt şəhərində ailə münaqişəsi zəminində baş verən bıçaqlanma hadisəsi ilə bağlı hüquq-mühafizə orqanları tərəfindən araşdırma aparılır.

Sumqayit.tv xəbər verir ki, ilkin məlumata görə, hadisə şəhərin Hacı Zeynalabdin qəsəbəsində qeydə alınıb. 1987-ci il təvəllüdlü Rəmziyyə Becan qızı İmanovanın həyat yoldaşı, 1988-ci il təvəllüdlü Vüsal Kərimbala oğlu İmanova bıçaqla xəsarət yetirdiyi bildirilir.

Zərərçəkmiş 28 aprel 2025-ci il tarixində saat 10:00 radələrində Sumqayıt Tibb Mərkəzinin Təcili Yardım Xəstəxanasına yerləşdirilib. Ona döş qəfəsinin orta səthində boşluğa keçməyən kəsilmiş-deşilmiş yara diaqnozu qoyulub və zəruri tibbi yardım göstərilib.

Hadisəni törətməkdə şübhəli bilinən şəxs polis əməkdaşları tərəfindən saxlanılıb. Fakt üzrə araşdırma davam etdirilir.

29-04-2025, 18:56 93