Azərbaycan Yerüstü Nəqliyyat Agentliyi (AYNA) tərəfindən keçirilən müsabiqənin nəticəsinə əsasən, Sumqayıtdan hərəkət edən 3 şəhərlərarası avtobus marşrutu üzrə qalib daşıyıcılar müəyyən edilib.
Sumqayit.tv xəbər verir ki, qaliblər aşağıdakılardır:
Sumqayıt–Qusar marşrutu üzrə – fiziki şəxs Aslanov Emin Balakərim oğlu
Sumqayıt–Mingəçevir marşrutu üzrə – fiziki şəxs Məmmədov Kamran Şahin oğlu
Sumqayıt–Sınıq Körpü (Qazax sərhəd-keçid məntəqəsi) marşrutu üzrə – hüquqi şəxs "Kaspian Ekspress" MMC
AYNA-nın məlumatına görə, qalib daşıyıcılardan bir qismi sərnişinlərə 2024–2025-ci il buraxılışlı yeni nəqliyyat vasitələri ilə xidmət göstərəcək. Müsabiqənin keçirilməsində məqsəd sərnişindaşıma xidmətlərinin keyfiyyətini, təhlükəsizliyini və rahatlığını artırmaq, eyni zamanda bu sahədə şəffaflığı təmin etməkdir.
29-04-2025, 20:07
174
