Stansiya Sumqayıt ərazisində sakinlər avtomobil yolunda yüksək sürət və səkinin olmamasından əziyyət çəkir.
Sumqayit.tv-yə yazan sakinlər bunları qeyd edir: " Stansiya Sumqayıt və Dəmiryolunun Yük Həyəti adlanan ərazi böyük bir qəsəbəyə çevrilib. Qəsəbənin şimala doğru çıxıs tərəfində avtomobillərin yüksək sürətlə hərəkət etməsi bizi çox narahat edir. Bəzən yarışa çıxan avtomobillər insanların həyatına real təhlükə yaradır. Bir müddət öncə bu ərazidə sərnişin avtobusunun da iştirak etdiyi qəza böyük faciəyə səbəb olmuşdu. Ərazidə radar quraşdırılmasına ehtiyac var ki avtomobillərin yüksək sürəti tənzminlənsin.
Eyni zamanda qəsəbənin şimal çıxışından şərqə doğru Bakı-Quba yoluna tərəf piyadaların təhlükəsiz hərəkəti üçün səki yoxdur. İnsanlar məcbur olub avtomobil yoluyla hərəkət edir. Aidiyyatı qurumlardan xahiş edirik bu problemlərin həllində bizə dəstək olsunlar".

Xatırladaq ki 15 mart 2022-ci il tarixdə həmin ərazidə baş verən qəza zamanı 16 nəfər yaralanmışdı.