Sumqayıt şəhəri Corat qəsəbəsi, Kamil Hüseynov küçəsində yağış suları və kanalizasiya axıntısı ciddi narahatlıq yaradır.
Sumqayit.tv-nin elektron poçtuna müraciət edən sakinlərin sözlərinə görə, yağışdan sonra küçəni su basır və bu vəziyyət avtomobillərin və piyadaların hərəkətini tam iflic edir.

Sakinlər qeyd edirlər ki, illərdir bu küçədə su axını problemi mövcuddur və aidiyyəti qurumlara dəfələrlə müraciət etsələr də, məsələ hələ də həllini tapmayıb.

"Yağış yağan kimi kanalizasiya suları küçəyə axır, bütün yol su ilə dolur, uşaqlar məktəbə çətinliklə gedirlər. Bu küçə ilə nə maşın keçə bilir, nə də piyada. Ən xırda yağış bura fəlakət gətirir," – deyə Corat sakinləri müraciətlərində bildirirlər.

Sakinlər problemin aradan qaldırılması üçün Sumqayıt Şəhər İcra Hakimiyyəti və digər aidiyyəti qurumlardan tədbir görülməsini xahiş edirlər.

14-05-2025, 15:51 105