Ekologiya Nazirliyi tərəfindən aparılan monitorinqlər nəticəsində ictimai-iaşə obyektlərində ekoloji pozuntular aşkarlanıb.

Sumqayıt şəhərində fəaliyyət göstərən bir sıra restoran və şadlıq saraylarının havaya normadan artıq tullantı atdığı müəyyən edilib.

Bu barədə Sumqayit.tv-yə Ekologiya və Təbii Sərvətlər Nazirliyinin mətbuat katibi İradə İbrahimova məlumat verib.

Nazirliyin 4 saylı Regional Ekologiya və Təbii Sərvətlər İdarəsi ilə Ətraf Mühitin Çirklənməsinin Monitorinq Qrupunun əməkdaşları tərəfindən aparılan son bir həftəlik müşahidələr nəticəsində aşağıdakı ictimai-iaşə obyektlərində ekoloji qaydalara əməl olunmadığı aşkar edilib:

• “Gold Palace”

• “Okean”

• “Green House”

• “Xəlifə”

• “Qərb”

• “Bəyaz Saray”

• “Sevgi Palace” şadlıq sarayları

• “Xan” və “Ərkivan” restoranları

Aparılan monitorinqlər zamanı bu obyektlərin fəaliyyətindən havaya normadan artıq tullantı atıldığı qeydə alınıb. Faktlar əsasında həmin obyektlərin məsul şəxsləri barəsində protokollar tərtib olunub və hər biri 2500 manat məbləğində cərimələnməsi üçün qanunvericiliyə uyğun tədbirlər görülür.

Ekologiya və Təbii Sərvətlər Nazirliyi ictimai-iaşə obyektlərini ətraf mühitə təsirləri ilə bağlı daha diqqətli olmağa çağırır.

16-05-2025, 12:01 73