Sumqayıt şəhərində sərnişin avtobusu ilə minik avtomobilinin toqquşması nəticəsində 4 qadın sərnişin xəsarət alıb.

Sumqayit.tv xəbər verir ki, hadisə 20 may tarixində Bakı küçəsində baş verib. 1988-ci il təvəllüdlü Cavid Murtuzovun idarə etdiyi sərnişin avtobusu, 1999-cu il təvəllüdlü Mirhadi Mirişovun sürdüyü “Toyota” markalı avtomobillə toqquşub.

Yaralananlar — Şahbuzova Şəbnəm (2007), Şahbalayeva İlahə (1967), Şəmiyeva Lamiə (1994) və Məmmədova Nuray (2007) Sumqayıt Tibb Mərkəzinin Təcili Tibbi Yardım Xəstəxanasına yerləşdirilib.

Mövzu ilə bağlı TƏBİB-dən bildirilib ki, zərərçəkənlərə zəruri tibbi yardım göstərilib. Vəziyyətləri qənaətbəxş olduğuna görə onlar ambulator müalicə üçün evə buraxılıblar.

20-05-2025, 12:55 61