Mayın 20-si saat 12:20 radələrində Sumqayıt şəhərindəki sənaye müəssisələrindən birində baş verən partlayış nəticəsində 5 nəfər xəsarət alıb.
Sumqayit.tv xəbər verir ki, TƏBİB-in məlumatına görə, yaralılar Sumqayıt Tibb Mərkəzinə yerləşdirilib. Üç nəfər ağır yanıq xəsarətləri ilə Nərimanov Tibb Mərkəzinin Yanıq Mərkəzinə təxliyə olunub. Digər iki nəfərin vəziyyəti orta-ağırdır və müalicələri davam edir.
Hadisə Sahil küçəsindəki zavodlardan birində qeydə alınıb. Əraziyə FHN-in canlı qüvvə və texnikası cəlb olunub. Partlayışın səbəbləri araşdırılır.
20-05-2025, 14:17
214
