Prezident İlham Əliyev bir sıra birinci instansiya məhkəmələri hakimlərinin təyin edilməsi və vəzifələrinin dəyişdirilməsi ilə bağlı Sərəncam imzalayıb.

Sumqayit.tv xəbər verir ki, Sumqayıt Şəhər Məhkəməsinə yeni hakim təyin edilib. Sərəncama əsasən, İmamverdiyeva Pərvin Arif qızı Sumqayıt Şəhər Məhkəməsinin hakimi vəzifəsinə təyin olunub.

Bundan əlavə, bir neçə hakim vəzifəsindən azad edilərək digər vəzifələrə təyinat alıb. Zaur Arif oğlu Hacıyev Sumqayıt Şəhər Məhkəməsinin hakimi vəzifəsindən azad edilərək Bakı Hərbi Məhkəməsinin, Günel Cəbrayıl qızı Tanrıverdiyeva isə Sumqayıt Şəhər Məhkəməsinin hakimi vəzifəsindən azad edilərək Bakı İnzibati Məhkəməsinin hakimi təyin olunub.

Sərəncam imzalandığı gündən qüvvəyə minib.

3-06-2025, 19:35 638