Dövlət qurumunda işə düzəltmək adı ilə 11 vətəndaşa qarşı dələduzluq etməkdə şübhəli bilinən qadın məsuliyyətə cəlb edilib.
Sumqayıtda 11 nəfəri aldadaraq 42 min manat ələ keçirən qadın saxlanıldı
Sumqayit.tv-yə bu barədəDaxili İşlər Nazirliyindən məlumat verilib.
Bildirilib ki, Sumqayıt Şəhər Polis İdarəsi əməkdaşlarının həyata keçirdikləri tədbirlər nəticəsində vətəndaşların etibarından sui-istifadə edərək onlara qarşı dələduzluq edən 33 yaşlı Fidan Məmmədova saxlanılıb.
Belə ki, o, ayrı-ayrı vaxtlarda 11 vətəndaşı dövlət qurumlarına müxtəlif vəzifələrə işə düzəltmək vədi ilə aldadaraq 42 min manata yaxın pul vəsaitini ələ keçirib.
Faktla bağlı Sumqayıt Şəhər Polis İdarəsində cinayət işi başlanılıb, hazırda cinayət işi üzrə araşdırma davam etdirilir.
17-06-2025, 11:46
136
Digər xəbərlər
