Əmək və Əhalinin Sosial Müdafiəsi Nazirliyinin tabeliyində olan Dövlət Sosial Müdafiə Fondu tərəfindən iyul ayı üzrə bütün sosial ödənişlər tam şəkildə həyata keçirilib.

Nazirliyin Mətbuat Xidmətindən Sumqayit.tv-yə verilən məlumata görə, iyulun 11-də Bakı, Sumqayıt şəhərləri, Abşeron rayonu və Naxçıvan Muxtar Respublikası üzrə pensiyalar ödənilib.

Ardınca, iyulun 22-də ölkənin digər bölgələrində yaşayan pensiyaçıların və güzəştli şərtlərlə pensiya təyin edilmiş şəxslərin də pensiyaları tam şəkildə köçürülüb.

Bununla yanaşı, iyulun 25-də isə müavinətlər, təqaüdlər və ünvanlı dövlət sosial yardımları da vətəndaşların hesablarına ödənilib.