Sumqayıt şəhərində faciəvi hadisə baş verib. 9-cu mikrorayon ərazisində yerləşən ev 51, 6-cı blokun 9-cu mərtəbəsindən azyaşlı qızın yıxılması nəticəsində ölümlə nəticələnən hadisə qeydə alınıb.

Sumqayit.tv-yə daxil olan məlumata görə, təxminən 13-14 yaşlı qız bu gün saat 21:00 radələrində yaşadığı binanın yuxarı mərtəbəsindən yıxılıb. Hadisə yerinə hüquq-mühafizə orqanlarının əməkdaşları və təcili tibbi yardım briqadası cəlb olunub.

Qızın həyatını xilas etmək mümkün olmayıb. Onun hadisə zamanı dünyasını dəyişdiyi bildirilir. Dünyasını dəyişənin həmin mənzildə kirayə qaldığı bildirilir.

Hazırda ölümün intihar, yoxsa təsadüfi baş verdiyi müəyyənləşdirilməyib. Faktla bağlı araşdırma aparılır.

Əlavə məlumat veriləcək.