Bu gün Bakı bulvarında keçirilən klassik avtomobillərin sərgisində Sumqayıt sakini İlkin Məzahirov da öz avtomobili ilə iştirak edib.

O bildirib ki, artıq bir neçə ildir bu tədbirə qatılır:

“Burda olmaq, insanlarda təəssürat yaratmaq çox xoşdur. Avtomobilim 1951-ci il istehsalıdır. 5-6 ildir ki, bu maşına sahibəm. Hazırda klip çəkilişlərində və retro tədbirlərində də istifadə olunur”.

İlkin Məzahirovun nümayiş etdirdiyi köhnə model avtomobil sərgi iştirakçılarının və paytaxt sakinlərinin böyük marağına səbəb olub.