Sumqayıt şəhərinin mərkəzində – “Qarabağ” kinoteatrının qarşısında sakinləri narahat edən vəziyyət müşahidə olunur.

Sumqayit.tv redaksiyasına daxil olan müraciətə görə, bu ərazi mütəmadi olaraq TIR-ların və iri karxana maşınlarının dayanacağına çevrilir. Sakinlərin sözlərinə görə, həmin nəqliyyat vasitələri prospekt boyu uzun müddət gözləmə və istirahət meydançası kimi dayanaraq həm şəhər görünüşünü pozur, həm də yol hərəkətində çətinliklər yaradır.

“Şəhərin içərisində prospekt olmalıdır, yoxsa qaraj? Bu vəziyyətə artıq son qoyulmalıdır”, – deyə sakinlər bildiriblər.

Qeyd edək ki, ağır tonnajlı maşınların şəhər mərkəzində uzun müddət dayanması həm nəqliyyat sıxlığına, həm də ətraf mühitin çirklənməsinə səbəb olur.

Sakinlər aidiyyatı qurumlardan məsələyə operativ şəkildə müdaxilə edilməsini xahiş edirlər.

Sumqayıt TV olaraq məsələni diqqətdə saxlayırıq.