Sumqayıt şəhərində sakinlər yolun qanunsuz zəbt olunmasından narazılıq edirlər.

Şikayətçilərin Sumqayıt.tv-yə verdiyi məlumata görə, Heydər Əliyev prospektindən 20 Yanvar küçəsinə dönüb, bazar istiqamətində – "AytaMart" marketinə çatmamış ərazidə vəziyyət acınacaqlıdır.

Bir ay əvvəl həmin ərazi lentlə bağlanıb, iki gün öncə isə yol boyu qırmızı plastik konuslar düzülüb. Bundan əlavə, asfalt üzərinə ağ rənglə parklanma yerləri çəkilib.

Sakinlərin sözlərinə görə, bu, qanunsuz olaraq yolun zəbt edilməsidir və həmin parklanma yerlərinin şəxsi məqsədlərlə istifadəsi planlaşdırılır:

“Atalar demişkən, nə yoğurdun, nə yapdın, hazırca kökə tapdın”, – deyə sakinlər bildiriblər.

Onlar aidiyyəti qurumlardan məsələ ilə bağlı tədbir görülməsini xahiş edirlər.