Xəbər veridyimiz kimi, bu gün Prezident İlham Əliyevin imzaladığı müvafiq Sərəncamla Sərdar Süleyman oğlu Səfərov Azərbaycan Respublikası Strateji Obyektlərin Mühafizəsi Dövlət Agentliyinin rəisi təyin edilib.
“Bioqrafiya” rubrikasında Sərdar Səfərov haqqında məlumat verir
- Sərdar Səfərov kimdir və bundan əvvəl harada çalışıb?
General-mayor Sərdar Süleyman oğlu Səfərov uzun illər daxili işlər orqanlarında xidmət edib.
- Sərdar Səfərov daha əvvəl hansı vəzifəni icra edirdi?
Sərdar Səfərov son təyinata qədər Xankəndi şəhərinin komendantı olub.
- Sərdar Səfərov nə zaman və harada anadan olub?
Sərdar Səfərov 1973-cü ildə Sumqayıt şəhərində anadan olub.
- Sərdar Səfərov hansı təhsil müəssisələrini bitirib?
O, Dövlət Bədən Tərbiyəsi İnstitutunu, Türkiyənin Jandarma Zabitlər Məktəbini və DİN-in Polis Akademiyasını bitirib.
- Sərdar Səfərov daxili işlər orqanlarında xidmətə nə zaman başlayıb və hansı vəzifələrdə çalışıb?
1996-2005-ci illərdə Daxili Qoşunlarda xüsusi təyinatlı bölüyün komandiri və Xüsusi təyinatlı taborun qərargah rəisi kimi xidmət edib.
- O, yuxarı vəzifələrdə hansı postları tutub?
Sərdar Səfərov 2019-2022-ci illərdə Bakı Şəhər Baş Polis İdarəsinin İctimai Təhlükəsizlik İdarəsində əvvəlcə rəis müavini, sonra isə idarə rəisi olub.
Daha sonra BŞBPİ rəisinin xidmət üzrə müavini təyin edilib.
- Sərdar Səfərov polis general-mayoru rütbəsini nə vaxt alıb?
Sərdar Səfərov general-mayor rütbəsini 2023-cü ilin iyulunda alıb.
- Sərdar Səfərova nə vaxt general-mayor ali hərbi rütbəsi verilib?
2025-ci ilin oktyabrın 24-də Sərdar Səfərova general-mayor ali hərbi rütbəsi verilib.
- Sərdar Səfərov hansı medallarla təltif olunub?
“Hərbi xidmətlərə görə”, “İgidliyə görə” və “Vətən uğrunda” medalları ilə təltif edilib.
- Sərdar Səfərovun ailə vəziyyəti necədir?
Sərdar Səfərov ailəlidir, üç övladı var.
/Lent.az
24-10-2025, 18:01
203
