Mənzil İnşaatı Dövlət Agentliyinin (MİDA) Sumqayıt Yaşayış Kompleksində mənzillərin güzəştlə satışı həyata keçiriləcək.

Sumqayit.tv Agentliyə istinadən xəbər verir ki, Sumqayıt şəhəri, Bulvar küçəsi, 197 ünvanında yerləşən Sumqayıt Yaşayış Kompleksi üzrə 10 mənzil satışa çıxarılacaq.

Satış prosesi 3 dekabr 2025-ci il saat 11:00-da başlayacaq və 12 dekabr 2025-ci il saat 11:00-dək davam edəcək.

Gözləmə qaydasında mənzillərin seçimi isə 9 dekabr 2025-ci il saat 11:00-dan etibarən başlayacaq.

Mənzillər yalnız “Güzəştli mənzil” sistemində elektron kabinetə sahib olan vətəndaşlar tərəfindən www.e-gov.az portalı üzərindən seçilə bilər.

Qeyd edək ki, MİDA tərəfindən təqdim olunan mənzillər dövlət tərəfindən müəyyən edilmiş güzəştli şərtlərlə vətəndaşlara təklif olunur.