Bu gün – 3 noyabr, Vətən Müharibəsində qəhrəmancasına döyüşərək canlarını torpaq, bayraq və millət uğrunda fəda etmiş bir neçə igid oğullarımızın Anım Günüdür.

Sumqayıt.tv həmin qəhrəmanlardan bəzilərini, xüsusən də Sumqayıtlı şəhidimiz Nurlan Abdalovu və onun silahdaşlarını xatırladır:

O 12 iyun 2000-ci ildə Sumqayıt şəhərində anadan olub. 2006-2017-ci illərdə Sumqayıt şəhər 14 nömrəli tam orta məktəbdə təhsil alıb.
Rəssamlıqla maraqlanırdı, Dostluq Mədəniyyət Mərkəzinin Rəssamlıq kursunu bitirmişdi.

2018-ci ildə hərbi xidmətə çağırılan Nurlan qısa zamanda fərqlənmiş, manqa komandiri vəzifəsinə qədər yüksəlmişdi.
O, 27 sentyabrda başlayan Vətən müharibəsində Füzuli, Cəbrayıl, Zəngilan və Xocavənd istiqamətlərində döyüşlərdə iştirak edib.

3 noyabr 2020-ci ildə Xocavənd uğrunda gedən qızğın döyüşlərdə şəhidlik zirvəsinə ucalıb.
5 noyabrda doğma şəhərində — Sumqayıt Şəhidlər Xiyabanında dəfn olunub.

Prezident İlham Əliyevin sərəncamı ilə ölümündən sonra
“Vətən uğrunda” və “Xocavəndin azad olunmasına görə” medalları ilə təltif edilib.

Sumqayıt.tv xatırladır:

Bu gün 3 noyabr — Xocavənd, Qubadlı və Füzuli döyüşlərində canını fəda edən oğulların günüdür.
Onların hər biri bu torpağın azadlığı, millətin qüruru üçün şəhid olub.
Ruhları qarşısında baş əyirik.

Dünən, 17:45 33