Sumqayıtın Stansiya Sumqayıt və Dəmiryolunun Yük Həyəti ərazisində yaşayan sakinlər yaxınlıqda fəaliyyət göstərən metaləritmə zavodundan narazılıqlarını bildirirlər.
Sakinlərin Sumqayit.tv-yə göndərdiyi məlumata görə, zavoddan havaya qalxan qatı qara tüstü ətraf əraziləri bürüyür və bu vəziyyət uzun müddətdir davam edir.
Onların sözlərinə görə, tüstü və yayılan kəskin qoxu səbəbindən pəncərələri açıq saxlamaq mümkün olmur, bu da evlərdə havasızlıq yaradır. Sakinlər iddia edirlər ki, yaranan vəziyyət gündəlik həyatlarına və sağlamlıqlarına mənfi təsir göstərir.
Vətəndaşlar məsələ ilə bağlı aidiyyəti qurumlara, xüsusilə Ekologiya və Təbii Sərvətlər Nazirliyinə müraciət edərək ərazidə araşdırma aparılmasını və zəruri tədbirlərin görülməsini xahiş edirlər.
Qeyd edək ki, Sumqayit.tv məsələ ilə bağlı qarşı tərəfin mövqeyini dərc etməyə hazırdır.
Bu gün, 21:20
53
