Sumqayit.tv-nin redaksiyasına vətəndaşların növbəti şikayəti daxil olub. Vətəndaşlar bu dəfə Sumqayıtın Heydər Əliyev prospektində olan təhlükəyə diqqət çəkib. Belə ki, ərazidə ağacın kəsilməsi azmış kimi, kötüyü təmizlənməmiş qalıb. Bu isə insanların gediş-gəlişinə çətinlik yaradır. Vətəndaşlar bu maneənin sırf travmatoloji mərkəzlər üçün baza hesab edir. Onlar konkret olaraq bunları qeyd edir: "Bura düşən adamın ayağı mütləq ki sınacaq. Ya topuğu, ya dabanı sınmış halda həkim, sınıqçı axtaracaq. Ağac kəsilibsə, bunun kötüyü də təmizlənsin. Gərək şikəst olaq ?! Üstəlik, yaxınlıqda olan digər çala da təhlükə saçır. Bu ərazi yol gedənlər, yaşlılar, gözdənəlil insanlar üçün real xəsarət mənbəyidi. Uzun müddətdi bu təhlükə qalmaqda davam edir. Ümid edirik aidiyyatı qurumlar məsələnin həllində diqqətcil davranacaq".
P.S. Hər halda, Ulu Öndər Heydər Əliyevin adını daşıyan prospektdə bu cür xoşagəlməz halların olması nəzərdən qaçmamalıdı.