Sumqayıtda səkilərin vəziyyəti günü-gündən insanlarda narahatlıq yaradır. Bir çox hallarda səkilər tam zəbt olunur. Bu haqda sosial şəbəkədə açılan mövzu diqqət çəkib. Səkilərin insanların yolunu bağlamasından narazılıq edən vətəndaşlar bunları qeyd edib: "Bura Sumqayıtın mərkəzidir, daha doğrusu, 30-cu məhəllə. Özbaşınalığa baxın ki, böyük bir səkinin yolunu kəsib insanların gediş-gəlişinə mane olurlar. Bir ailə və bir sahə müvəkkili yaxşı dolanacaq deyə, bu biabırçılığa göz yumulur. Yaxşı olardı ki, bu haqda ölçü götürərdilər. Belə hallar şəhərimizdə bir deyil, iki deyil. Qanunsuz sahibkarlıq fəaliyyəti milləti boğaza yığıb. Mövsümə görə küçə ticarəti yalnız parklarda həyata keçirilməlidir, insanların hərəkət etdiyi zolaqlarda yox". Həqiqətən acınacaqlı mövzudu. Bəzən elə vəziyyət yaranır ki, vətəndaşlar məcbur olub avtomobil yoluyla gedir. Bu zaman qəza olsa, məsuliyyət kimin üzərində qalacaq ?