Sumqayıt şəhəri 41-ci məhəllə sosial binalar adlanan ərazidə oğurluq hadisəsi olub. Belə ki, Rusiya vətəndaşı Ələsgərova Elmira Arif qızına məxsus "Mercedes" E 300 markalı, dövlət qeydiyyat nömrəsi R001 MA 98 olan avtomobilin sağ və sol yan güzgüləri naməlum şəxslər tərəfindən qarət olunub. Vətəndaşa ümumilikdə 5750 manat ziyan dəyib. Faktla bağlı Sumqayıt Şəhər Baş Polis İdarəsinin 3-cü polis bölməsinə məlumat verilib.
Hazırda faktla bağlı araşdırma aparılır.