Sumqayıtda qumar oynayan şəxslər saxlanılıb.
Sumqayit.tv-nin məlumatına görə, Sumqayıt şəhər Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində mayın 21-də şəhər ərazisində  fəaliyyət göstərən  "Məz-Məzək" kafesində Bakı şəhər sakini  Ruslan Vəliyevin, Ağdaş rayon sakinləri  Yusif Yusifov, Nurlan Yusubov və Füzuli rayon sakini Bəhruz Quliyev saxlanılıblar. Belə ki, həmin şəxslərin bir stol arxasında oturub kart vasitəsi ilə qumar oynamaları, stolun üzərində kağız pul əskinaslarının olması müəyyən edilib. 

Həmin şəxslər barəsində Azərbaycan Respublikası İnzibati Xətalar Məcəlləsinin 525-ci maddəsi ilə inzibati xəta haqqında protokol tərtib olunaraq toplanmış material baxılması üçün məhkəməyə göndərilib.

Məhkəmənin qərarı ilə R. Vəliyev və B. Quliyev hər biri 3000 manat olaraq cərimə olunublar. N. Yusubovun işi aidiyyatı üzrə göndərilib, Y. Yusifov barəsində isə işə xitam verilib.