Sumqayıtda bitməyən narazılıq - Prezident İLHAM ƏLİYEVƏ MÜRACİƏT OLUNDU- FOTOFAKT
Bir müddət öncə redaksiyamıza yazılan - Sumqayıt şəhəri 1-ci mkr ərazisində yeni obyekt inşa olunması haqda məlumat vermişdik. Belə ki, şəhərin Səməd Vurğun və Sülh küçələrinin kəsişməsində yerləşən 8 mərtəbəli binanın sol hissəsində 2 mərtəbəli obyekt inşa olunmağa başladı. Amma bu tikili ərazidə yaşayan insanların ciddi narazılığına səbəb oldu. Onlar gediş-gəliş yollarının bağlandığını, fövqəladə vəziyyət olarsa, ciddi təhlükə yaşayacağını əsas gətirərək tikintiyə etiraz etdilər. Buna rəğmən, burada ikimərtəbəli obyekt tikildi. Sakinlər vəziyyətdən çıxış yolu kimi Azərbaycan Respublikasının Prezidenti İlham Əliyev cənablarına, Azərbaycan Respublikasının 1-ci vitse-prezidenti Mehriban xanım Əliyevaya, Azərbaycan Respublikası Dövlət Təhlükəsizliyi Xidmətinin rəisi general-polkovnik Əli Nağıyevə, Fövqəladə Hallar Nazirliyinə, Azərbaycan Respublikası Baş Prokurorluğuna məktub yazaraq şikayətlərini çatdırıblar və kömək istəyiblər. Sakinlər yenə də aidiyyatı qurumlardan kömək istəyirlər. Yazılan şikayət məktubunun və toplanan imzaların sürətinin şəkillərini Sumqayit.tv-nin redaksiyasına təqdim ediblər. Müraciətin FOTOLARINI sizə təqdim edirik.
Bu gün isə Regional Ədliyyə İdarəsinin əməkdaşları əraziyə baş çəkərək sakinlərin şikayətini dinləyib.
24-05-2022, 15:04
407
