Sumqayıt şəhərində nəqliyyatla bağlı problemlər vaxtaşırı diqqət mərkəzinə düşür. Bu dəfə 7 nömrəli marşrutla bağlı narazılıq  diqqət çəkib. Redaksiyamıza müraciət edən şəhər sakinləri qarşılaşdıqları problemlə bağlı bunları deyib: "Axşam saatlarında 7 nömrəli marşrutu gözləyərkən çox əziyyət çəkirik. Adam nə qədər marşrut gözləyər ?! 7 nömrəli marşrut şəhərin əksər hissəsini dövrə vurur. Axşam vaxtı ümidimiz ona qalır. O da 30 dəqiqəlik interval ilə gəlir. Hansı dövrdür marşrut yarım saata gəlib çıxsın?! Aidiyyatı orqanlardan xahiş edirik ki, bu məsələ haqda ciddi ölçü götürsünlər".