Sumqayıt şəhərində yaşanan problemlərlə bağlı redaksiyamıza  müxtəlif şikayətlər daxil olur. Sumqayit.tv olaraq bu cür hallara diqqət çəkirik. Bu dəfə  elektrik təhlükəsizliyi ilə bağlı müraciət ünvanlanıb. Belə ki, Sumqayıt şəhəri, 5-ci mkr, bina 8/12 saylı binanın sakinləri binaya normadan artıq elektrik enerjisinin verilməsinin fəsadlarına diqqət çəkib. Onlar nəticə olaraq tez-tez elektrik avadanlıqlarının sıradan çıxdığını deyir. Belə ki, normaya uyğun  220 volt verilməli olduğu halda, 240-247 volt verilir. Nəticədə elektrik avadanlıqları xarab olur, əlavə xərcə düşürlər. Hətta bina sakinlərindən biri sıradan çıxan soyuducunun təmirinə görə 150 manat pul xərcləməli olub. Hər halda, israf olunan elektrik enerjisi dövlət büdcəsinə də ziyandır. Bina sakinləri 2020-ci ildə bununla bağlı Azərişıqa məktub ünvanlayıb. Amma bu günə qədər Azərişıq məsələyə ciddi yanaşmır. Ara yerdə elektrik enerjisi israf olunur, üstəlik, problem də həll olunmur.