Bu gün bir qrup Saraya qəsəbə sakinləri Sumqayıt.tv-yə zəng edərək, bildiriblər ki, dünən günorta saatlarından yaşadıqları M.Ə.Rəsulzadə küçəsində, “Araz” marketin yaxınlığında su xətti partlayıb. Şikayətçilərin iddiasına görə məlum qəza ilə əlaqədar “Azərsu” ASC-in əməkdaşlarına və qurumun qaynar xəttinə məlumat veriblər. Lakin, qəzadan 24 saat keçəsinə baxmayaraq bir nəfə də olsun “Azərsu” əməkdaşı nə əraziyə gəlib, nə də qəza zamanı həyətlərini su basmış sakinlərlə maraqlanıblar. Ona görə də sakinlər məcburiyyət qarşısında qalaraq məsələnin ictimailəşdirilməsinə qərar veriblər.  Redaksiyamızla əlaqə saxlayan sakin qeyd edir ki, “su pulu almaq lazım olanda qurumun əməkdaşları 1 qapıya 50 dəfə gələ bilir. Amma boru xətti partladığı üçün biz bir nəfər də olsun tapa bilmirk. Ona görə də xaiş edirik məsələni ictimailəşdirəsiniz” deyə şikayətçi qeyd edib.