İyunun 8-də Sumqayıt şəhərində yerləşən Səid Rüstəmov adına 3 saylı Uşaq İncəsənət Məktəbində "Gözün aydın, Şuşam mənim" adlı tədbir keçirilib. Tədbir, 27 nömrəli tam orta məktəbin "5A" sinifinin rəhbəri Məmmədova Aygün Vidadi qızı və şagirdləri tərəfindən təşkil olunub.  Tədbirdə Azərbaycanın dövlət himni səsləndirildikdən sonra, vətən üçün canından keçən müqəddəs şəhidlərimiz 1 dəqiqəlik sükutla yad edilib. Sözügedən məktəbin şagirdləri vətənpərvərlik ruhunda şeirlər səsləndirib,  mahnılar oxuyublar. Daha sonra tədbirdə Sumqayıt şəhər  27 saylı tam orta məktəbin direktoru Valid Mustafayev, şair, yazıçı, tənqidçi, Azərbaycan Yazıçılar İttifaqının üzvü Rafiq Yusifoglu, yazıçı-dramaturq və rejissor Ağalar İdrisoğlu, qazimiz Qubad Tağıyev və  şəhid anaları çıxış ediblər. Çıxışçılar uşaqların vətənpərvər olduqları üçün qürur duyduqlarını və bu cür tədbirləri geri qayıtmış torpaqlarda da keçirilməsini arzu etdilər.
"Gözün aydın, Şuşam mənim"  təbirinin əsas təşkilatçısı Aygün müəllimə, əməkdaşımızla söhbətində, "Məqsəd şagirdələrimizə tarixi-keçmişimizi və müqəddəs şəhidlərimizi unutdurmamaqdan ibarətdir. Biz istəyirik ki, gələcək nəsillər milli-mənəvi dəyərlərimizi qorusunlar. Bir müəllim olaraq bu bizim borcumuzdur." deyərək, hər kəsin belə mövzulara həsas yanaşmalarını dilə gətirdi. 
Tədbirin sonunda qonaqlara təşkilatçılar tərəfindən simvolik hədiyyələr təqdim olundu.
Vəsiqə DADAŞOVA