Sumqayıt şəhərində 2 nömrəli marşrut xətti ilə bağlı sərnişinlər problem yaşayır. Bu haqda Sumqayit.tv-yə Sumqayıt sakinləri məlumat verib. Belə ki, onlar 2 nömrəli marşrutun intervalının çox uzun olduğunu qeyd edirlər. Onların sözlərinə görə, dayanacaqda 30-40 dəqiqə, bəzən 45 dəqiqə 2 nömrəli marşrutu gözləyirlər. Ya bu intervalı azaltsınlar, normal bir qrafik qursunlar, ya da əlavə marşrut xətti açsınlar. Dəfələrlə bu problemlə bağlı müvafiq instansiyalara şikayət etmişik, amma marşrut xəttinin dərdinə çarə tapılmır. Aidiyyatı qurumların bu məsələyə diqqətlə yanaşacağına ümid edirik.