Sumqayıt şəhərində bədbəxt hadisə baş verib. 
Sumqayit.tv xəbər verir ki, bu gün axşam saat 19:00 radələrində  H.Z.Tağıyev qəsəbəsində dənizdə iki nəfər bataraq dünyasını dəyişib. Belə ki, Etilen-Politilen zavodu ilə üzbəüz dənizdə çimərkən 7 yaşlı uşağının batdığını görən 32 yaşlı ana övladını xilas etmək üçün özünü dənizə atıb. Nəticədə həm ana, həm də uşaq dənizdə bataraq həlak olublar. Təqribən 1 saatlıq axtarışdan sonra hər iki şəxsin cəsədi xilasedicilər tərəfindən çıxarılaraq ailəsinə təhvil verilib.