Bir müddət öncə Sumqayit.tv olaraq Sumqayıt şəhərinin küçələrində dolaşan itlərlə bağlı məlumat vermişdik. Toplu halında hərəkət edən küçə itləri insanları qorxuya salır. Ələlxüsus xanımlar və uşaqlar müəyyən küçələri qorxu altında keçir. Bu gün redaksiyamıza bununla bağlı bir neçə şəkillər göndərilib. Onlar itlərə qarşı müəyyən tədbirlərin görülməsini xahiş edir. Vətəndaşlardan biri dayanacaqda gözləyərkən bir qadının itlərin hücumuna məruz qaldığını, ətrafdakıların müdaxiləsindən sonra təhlükənin sovuşduğunu qeyd edir. İtlərə qarşı hər hansı kobudluq, onları öldürmək yolverilməzdir. Amma aidiyyatı qurumlar problemin həlli yönündə ciddi addım atsa, vətəndaşlar itlərin hücumuna məruz qalmaz.