Azərbaycan Mədəniyyət Mərkəzinin sədri dünyasını dəyişdi
Belqrad şəhərində fəaliyyət göstərən Azərbaycan Mədəniyyət Mərkəzinin sədri, Şərqi Avropa Azərbaycanlılarının Koordinasya Şurasının Serbiya üzrə əlaqələndiricisi Zərifə Əlizadə uzun sürən ağır xəstəlikdən sonra vəfat edib. Sumqayit.tv xəbər verir ki, bu barədə Diasporla İş üzrə Dövlət Komitəsi məlumat yayıb.
Bildirilir ki, Zərifə Əlizadənin dəfn mərasimi avqustun 27-də keçiriləcək. O, paytaxt Belqradın Nova Bejaniya məzarlığında torpağa tapşırılacaq.
Bakıda anadan olan soydaşımız Azərbaycan Dövlət Konservatoriyasını (indiki Üzeyir Hacıbəyli adına Bakı Musiqi Akademiyası), Pyotr Çaykovski adına Moskva Dövlət Konservatoriyasının aspiranturasını bitirib.
1989-cu ildən Serbiyada yaşayırdı. Novi Sad Universitetinin Musiqi Akademiyasının professoru idi.
24-08-2022, 10:10
143
Digər xəbərlər
