Ümumdünya Səhiyyə Təşkilatının (ÜST) rəhbəri Tedros Adhanom Gebreyesus yeni koronavirus pandemiyası fonunda təhdidlərdən şikayətlənib.

“The Washington Post”a müsahibə verən qurum rəsmisi qeyd edib ki, ona həyati təhlükəli mesajlar gəlib:
“Təhdidlər mənə birbaşa SMS vasitəsilə göndərilir. Mənim nömrəmi haradan aldıqlarını bilmirəm”.
Gebreyesusun sözlərinə görə, onun evində siqnalizasiya sistemi quraşdırılıb və işçilər ona müşayiət etmək üçün mühafizəçi işə götürməyi təklif edirlər.