Bu haqda “Azərsu” ASC-nin Planlaşdırma və Layihələndirmə Departamentinin rəisi Bahadur Kəngərli Ekologiya və Təbii Sərvətlər Nazirliyinin feysbuk hesabında keçirilən “Ekspert saatı”nda danışıb.

O qeyd edib ki, Sumqayıt bulvarında yeni magistral kollektor tikilib: “Bizdə olan məlumata görə, artıq tullantıların qarşısı alınıb. Sumqayıt ərazisində hazırda Acıdərə kanalı vasitəsilə Xəzərə atılan tullantıların qarşısının alınması üçün son tamamlanma işləri davam etdirilir. Acıdərə kanalı tam qapalı sistemə çevrilib”.