Bugün şəhid Xələfli Mahir Muxtar oğlunun anım mərasimi keçirilib. Sumqayit.tv xəbər verir ki, öncəliklə şəhid Xələfli Mahir Şəhidlər Xiyabanında yad edilib. Daha sonra Bəhmən Mehdiyev adına 2 saylı tam orta məktəbdə şəhidin adına ehsan süfrəsi açılıb. Mərasimdə məktəbin kollektivi, ailə üzvləri, şəhidin dostları iştirak edib, müxtəlif vətənpərvər ruhlu şeirlər səsləndirilib. Sonda isə anılma mərasimi şəhidin böyüdüyü evdə davam edib.
Qeyd edək ki, Vətən müharibəsinin başlandığı ilk gün şəhidlik zirvəsinə ucalan Mahir Muxtar oğlu Xələfli, 8 aprel 2001-ci ildə Sumqayıt şəhərində anadan olmuşdur.  O 27 sentyabr 2020-ci ildə Murovdağ istiqamətində döyüş tapşırığını yerinə yetirirərkən şəhid olmuşdur.
Allah rəhmət eləsin!