Bugün şəhidimiz Ələkbərov Niyaməddin İsrafil oglunun anım mərasimi keçirilib.
Sumqayit.tv xəbər verir ki, tədbir Şəhidlər Xiyabanında başlayıb. Şəhidin məzarı ziyarət olunub, xatirə rəsimləri çəkilib. Tədbirdə İcra hakimiyyətinin nümayəndələri, şəhidin ailəsi, əsgər yoldaşları, yaxınları, qonşular iştirak edib. Daha sonra tədbir şəhidin yaşadığı evin həyətindəki mərasim evində davam edib. Qeyd edək ki, Niyaməddin Ələkbərov 1989-cu il iyulun 12-də Şərur şəhərində anadan olub. Azərbaycan Ordusunun giziri olan Niyaməddin Ələkbərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Niyaməddin Ələkbərov oktyabrın 2-də Füzuli döyüşləri zamanı şəhid olub.
Allah rəhmət eləsin!

Müxbir: Vəsiqə Dadaşova