Premyer-liqanın 8-ci turunun "Sumqayıt" - "Kəpəz" oyununun fasiləsində meydan sahibləri Sumqayıt Futbol Akademiyasında çalışan təcrübəli məşqçi Ağamusa Bağırova AFFA, Şimal Regional Futbol Federasiyası və "Sumqayıt" klubu adından xatirə hədiyyələri təqdim olundu.
Sumqayit.tv xəbər verir ki, football-plus.az bu barədə daha ətraflı klubun mətbuat katibi Rəşad Məmmədovdan açıqlama alıb:
"Azərbaycanın əməkdar məşqçisi, Əməkdar Bədən Tərbiyəsi və İdman İşçisi, "Sumqayıt" Futbol Akademiyasının məşqçisi Ağamusa Bağırov bizim üçün canlı əfsanədi. "Sumqayıt"da bir çox futbolçunun üzə çıxmasında onun xüsusi rolu olub. Xidmətlərini heç vaxt unutmaq olmaz. Həmişə ona qayğı ilə yanaşmışıq, bundan sonra da elə olacaq. Odur ki, fasilədə həm klubumuz, həm də AFFA tərəfindən təcrübəli mütəxəssisi xüsusi hədiyyələrlə mükafatlandırdıq".