Bu gün Mikayıl İlqar oğlu Məmmədzadənin mövludu qeyd olunub. Tədbir N.Nərimanov klubunda keçirilib.
Sumqayit.tv  bildirir ki, Mərasimdə şəhidin ailəsi, yaxın və qohumları, Cəlil Səfərov adına 10 nömrəli məktəbin kollektivi, şəhidimiz Əbdülməcid Axundovun anası Ceyran xanım başda olmaqla digər şəhid ailələri iştirak edib. 
Qeyd edək ki, Mikayıl Məmmədzadə 1994-cü il oktyabrın 10-da Sumqayıt şəhərində anadan olub. O, 2016-cı ildən Azərbaycan Silahlı Qüvvələrinin müxtəlif hərbi hissələrində xidmət edib. 2018-ci ildən xidmətini “baş leytenant” hərbi rütbəsi altında davam etdirirdi. Azərbaycan Silahlı Qüvvələrinin baş leytenantı olan Mikayıl Məmmədzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Murovdağın azadlığı uğrunda gedən döyüşlərdə iştirak edib. Mikayıl Məmmədzadə sentyabrın 28-də Murovdağ döyüşləri zamanı, Kəlbəcər rayonu ərazisində Camışdağ - Qaragöl istiqamətində şəhid olub. Nəşi uzun müddət götürülə bilməyib. Dekabrın 28-də Sumqayıt Şəhidlər Xiyabanında torpağa tapşırılıb. Allah rəhmət eləsin!
Müəllif: Vəsiqə Dadaşova