Bu gün şəhidimiz Hüseynov Elçin Zamin oğlunun anım günü qeyd olunub.
Sumqayit.tv xəbər verir ki, mərasim şəhidin məzarının Şəhidlər Xiyabanında ziyarət olunması ilə başlayıb. Daha sonra isə "Love Palace" restoranında davam edib. Tədbirdə şəhidin ailəsi, yaxınları və qohumları, digər şəhid ailələri, İcra hakimiyyətinin nümayəndələri və qazilər iştirak ediblər. 
Xatırladaq ki, Elçin Hüseynov 1992-ci il sentyabrın 9-da Bakı şəhərində anadan olub. 2012-ci ildə hərbi xidmətə yollanan Elçin 2014-cü ildə xidmətini başa vurub. Elə həmin ilin avqustunda Azərbaycan Silahlı Qüvvələrinin Bakı korpusunun,müddətdən artıq həqiqi hərbi xidmət qulluqçusu olaraq snayper kəşfiyyat vəzifəsində xidmətə başlayıb. Elçin 2016-cı ilin Aprel döyüşləri zamanı könüllü olaraq ön cəbhəyə yollanması barədə komnadanlığa müraciət edib. Komandanlıq onun müraciətini nəzərə alaraq onu "N" saylı hərbi hissəyə köçürür. Elçin Hüseynov 2020-ci il sentyabrın Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Suqovuşan döyüşlərində döyüşərək,yaralanır. Yaralansada döyüşə davam etmiş,"Mübariz" postundan digər posta adlayarkən qəhrəmancasına həlak olmuşdur.
Ruhun şad olsun!