Bu gün  "Vətən" müharibəsinin şəhidi Quluyev Ramil Elşən oğlunun anım mərasimi keçirilib. 

Sumqayit.tv xəbər verir ki, mərasim şəhidin məzarının Şəhidlər Xiyabanında ziyarət olunması ilə başlayıb. Daha sonra isə şəhərimizdə yerləşən mərasim evlərinin birində ehsan süfrəsi verilərək davam edib. Mərasimdə Quran ayələri və şəhidlərimizin ruhlarına dualar oxunulub. Məclisdə icra nümayəndələri, qohumlar, şəhidimizin dostları və digər şəhid ailələri iştirak edib. 
Xatırladaq ki, Ramil Quliyev 1991-ci il yanvarın 4-də Qubadlı rayonunda anadan olub. 1997-ci ildə Sumqayıt şəhər 14 nömrəli tam orta məktəbin 1-ci sinfinə daxil olub və 2008-ci ildə şəhərin 35 nömrəli məktəbin məzunu olub. O, 2015-ci ildə Kiyevdə Personalın İdarəetməsinin Regionlararası Akademiyasının Menecment fakültəsinin məzunu olub.
Hərbi xidmətdə olduğu müddətdə Lələtəpə uğrunda gedən döyüşlərdə iştirak edib və 2016-cı ilin iyul ayında hərbi xidmətini başa vurub. Xəstə anası Ramilin şəhid xəbərini eşidəndən bir neçə gün sonra dünyasını dəyişib. 10.10.2020 tarixində Hadrut uğrunda gedən döyüşlərdə verilən tapşırığı yerinə yetirərkən mənfur düşmənin snayper gülləsinə tuş gələrək qəhrəmancasına şəhidlik məqamına ucalır. 12 gün neytral zonada qalır, çiyin yoldaşlarından biri şəhidimizi neytral zonada çıxardaraq, arxa cəbhəyə təhvil verir. Oktyabrın 22 Sumqayıt Şəhidlər Xiyabanında öz sevdiyi torpağa tapşırılır. 
Ruhun şad olsun, İgid!
Müxbir: Vəsiqə DADAŞOVA