Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin tərəfindən Sumqayıt şəhərində Vətən Müharibəsi veteranları mayor Vüsal Şabanov və baş leytenant Namiq Seyfəddinli ilə görüş təşkil edilib.

Agentlikdən Aztibb.az-a bildirilib ki, görüşdə əvvəlcə şəhidlərimizin əziz xatirəsi bir dəqiqəlik sükutla yad edilib.

Sumqayıt Muğam Mərkəzində keçirilən görüşdə Vətən müharibəsi iştirakçıları Vüsal Şabanov və Namiq Seyfəddinli Agentliyin Sumqayıt Reabilitasiya Mərkəzində bərpa müalicəsi alan əlilliyi olan şəxslər, müharibə veteranları, kollec tələbələri və məktəb şagirdləri ilə öz uğur hekayələrini, Prezident, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə Azərbaycan Ordusunun möhtəşəm Zəfər əldə etdiyi 44 günlük Vətən müharibəsi ilə bağlı xatirələrini bölüşüblər.

Görüş iştirakçılarına qarşılarına qoyduqları hədəfə nail olmaq üçün yorulmadan və həvəsdən düşmədən çalışmağın, uğur əldə etməyin sirlərindən danışılıb.

Maraqlı müzakirələr, sualların cavablandırılması ilə davam edən görüş, musiqili proqramla yekunlaşıb.

Seçilən