TƏBİB-in tabeliyindəki Sumqayıt Tibb Mərkəzinin (STM) nəzdində fəaliyyət göstərən Perinatal Mərkəzin mama-ginekoloqu Natiq Əliyev Fəxri fərmanla mükafatlandırılıb.
STM-dən Sumqayit.tv-yə bilirilib ki, Mərkəzin direktoru Səkinə Sadıxova N.Əliyevi səhiyyə sahəsindəki uzunmüddətli səmərəli əmək fəaliyyətinə görə təltif edib.
Direktor N.Əliyevi təbrik edərək gələcək fəaliyyətində uğurlar arzulayıb.
Mama-ginekoloq öz növbəsində təltifə görə minnətdarlıq edib və bundan sonra da səhiyyənin inkişafında səylərini əsrigəməyəcini vurğulayıb.
Qeyd edək ki, N.Əliyev ömrünün 45 ilini tibbin ginekologiya sahəsinə həsr edib. O, 1978-ci ildə N.Nərimanov adına Azərbaycan Dövlət Tibb İnistitutuna qəbul olub və Müalicə-profilaktika fakültəsini bitirib. İlk əmək fəaliyyətinə Rusiyanın Saratov şəhərində başlayıb, 1988-ci ildə Sumqayıt 1 saylı Doğum Evində mama-ginekoloq kimi fəaliyyətini davam etdirib. 1994-cü ildən 2016-cı ilə qədər həmin Doğum evinin Ginekologiya şöbəsinin müdiri, 2003-2006-cı illərdə Sumqayıt şəhərinin Baş mama-ginekoloqu işləyib.
O, 2016-2021-ci illərdə Sumqayıt şəhər 1 saylı Doğum Evinin Baş həkiminin Müalicə işləri üzrə müavini vəzifəsində çalışıb. Bununla yanaşı, 2017-ci ildən Sumqayıt şəhərinin Baş mama-ginekoloqudur. Hazırda STM-nin Perital Mərkəzinin mama-ginekoloqu kimi fəaliyyətini davam etdirir.
24-11-2023, 16:30
408
