Sumqayıt Şəhər Məhkəməsində qəsdən sağlamlığa yüngül zərər vurmaqda təqsirləndirilən Məsumə Fətəliyevanın cinayət işi üzrə məhkəmə prosesi başa çatıb.
Bu barədə Sumqayit.tv-yə təqsirləndirilən şəxsin vəkili Elşad İsayev məlumat verib.
Onun sözlərinə görə, hakim Ramiz Quliyevin sədrliyi ilə keçirilən prosesdə M.Fətəliyevaya bəraət verilib.
Vəkil bildirib ki, müdafiə etdiyi şəxsə Cinayət Məcəlləsinin 128-ci maddəsi ilə ittiham irəli sürülüb: "65 yaşlı Məsumə Fətəliyevanın torpaq mübahisəsi zəmnində şəxsin evinə gedərək onu döydüyü iddia olunub. Təqsirləndirilən şəxs barəsində başqa yerə getməmək qətimkan tədbiri seçilmişdi. Lakin məhkəmədə sübut olundu ki, cinayət hadisəsi baş verməyib və müdafiə etdiyim şəxsə bəraət verildi".