Aprelin 5-də Sumqayıt Poeziya Evində Aprel döyüşlərindəki qələbəmizə həsr olunmuş   “Zəfərin başlanğıcı” adlı  tədbir keçirilib. 
Sumqayit.tv xəbər verir ki, Vətən müharibəsi qəhrəmanı şəhid Adil İbrahimli adına 14 nömrəli tam orta məktəbin təşkilatçılığı ilə keçrilən tədbirdə əvvəlcə Azərbaycan Respublikasının Dövlət Himni səsləndirilib. Şəhidlərimizin əziz xatirəsi bir dəqiqəlik sükutla yad olunub. Tədbiri ilk öncə açan məktəbin direktoru Fatma Bayramova tədbirdə iştirak edən şəhid ailələrinə, mətbuat nümayəndələrinə və məktəb kollektivinə  öz dərin minnətdarlığını bildirərək yığıncağı açıq elan etdi. Çıxış edən tədbirin təşkilatçısı, məktəbin dil-ədəbiyyat  müəlliməsi Ülviyyə Əliyeva səkkiz il əvvəl erməni təxribatına cavab olaraq həyata keçirilən qısamüddətli hərbi əməliyyatlar nəticəsində rəşadətli Azərbaycan Ordusunun əldə etdiyi şanlı qalibiyyətindən bəhs edib. Bildirib ki, Aprel döyüşlərində əldə edilən şanlı qələbə Azərbaycan xalqının gücünü, birliyini və əzmini dünyaya göstərən 44 günlük Vətən müharibəsində qazanılan Zəfər üçün mühüm zəmin yaradıb. Məktəbin şagirdlərinin  təqdimatında vətənpərvərlik mövzusunda müxtəlif şeir və musiqi kompozisiyaları ifa olunub.Tədbirdə iştirak edən Adil İbrahimlinin atası bütün şəhid ailələri adından tədbir təşkilatçılarına öz təşəkkürünü bildirmişdir.          
                                                           
Müəllif: Sübhan Arifoglu  “Zaman və Biz “qəzetinin baş redaktoru