Xəzər dənizinin səviyyəsinin azalması Sumqayıt sahillərində daha aydın müşahidə olunmağa başlayıb.
Sumqayit.tv xəbər verir ki, son illərdə davam edən geriləmə prosesi nəticəsində dəniz sahildən onlarla metr uzaqlaşıb. Bu vəziyyət xüsusilə Sumqayıtın sahilboyu ərazilərində diqqət çəkir.
Dəniz suyunun geri çəkilməsi nəticəsində əvvəllər su altında qalan qumlu və çöküntü ilə örtülü sahələr üzə çıxıb. Sahil xəttində yaranan yeni landşaft həm sakinlərin, həm də əraziyə gələn vətəndaşların diqqətini cəlb edir.

Mütəxəssislər Xəzər dənizində su səviyyəsinin azalmasını iqlim dəyişiklikləri, yağıntıların azalması, buxarlanmanın artması və hövzəyə daxil olan su ehtiyatlarının azalması ilə əlaqələndirirlər.
Qeyd edək ki, son illər Xəzər dənizinin səviyyəsində müşahidə olunan enmə prosesi təkcə Sumqayıtda deyil, sahilyanı digər bölgələrdə də özünü göstərir.
Mövzu ilə bağlı yeni məlumatları oxucularımıza təqdim edəcəyik.