Sumqayıt doğma evimizdir. Bu üzdən bir çox hallarda bu şəhərin görkəminə, estetikasına xələl gətirən nüanslar diqqət mərkəzinə düşür. 

Sumqayit.tv olaraq daim oxucuların redaksiyamıza ünvanladığı fotoları, məlumatları sizin diqqətinizə çatdırırıq. Bu dəfə Sumqayıt şəhəri Səməd Vurğun küçəsi ilə Sülh küçəsinin kəsişməsində, Göyərçin abidəsinin yaxınlığında olan böyük gül dibçəyinə diqqət çəkilir:  "Maraqlıdı insanların aktiv 4 tərəfli hərəkət zonasına qoyulan və ciddi bir mahiyyəti olmayan bu vasitə nə işə yarayır ? Bu cür şəhəri bəzəmək məqsədilə qoyulan vasitələr bir çox hallarda qoyulduğu kimi də qalır. Səkilərin qırağında əkilən gül kolları qulluq görürsə, bu cür vasitələr elə ordaca sahibsiz qalır. Əkdikləri ağac dibçək üçün deyil, dibi də quruyub. Eyni zamanda bu görüntü piyada xətti ilə üzbəüzdü. Digər tərəfdən gül kollarının əkilməsi, yerləşdirilməsi müəyyən normalara uyğun olmalıdı. Yoxsa Sumqayıtın gözü sayılan Göyərçin abidəsinin yanında, fəal hərəkət olan hissədə hərəkətə maneə olan görüntü kimi diqqət çəkməməlidi"